يالبى أنا .. مدونتي

美しい كتب:سلامتك خيتو ماتشوفين شر
نصيحتي لك اطقعي ع الدنيا
ولا تفكرين زياده فيك شيء
روحي مستشفى حللي ولا تبحثي
ابداااا ابداااا ابدااا في النت
لانه يجبلك امراض الدنيا
واتمنى تكونين بخير طمنينا عنك

اهنيك عالشفافيه
فعلا البحث بقوقل يخوف اكثر

وشكرا لنفاعلكم كلكم رغم ان المشكله من سنين الله يعطيكم العافيه

اذا صرت فاضيه دايما اروح بحث قوقل واكتب اسمي كامل او اكتب يوزري او اي شي كذا بس فضول
عاد طلع لي الاسك حقي بالمنتدى ذا بغيت ابكي والله
طلع رابط الاسك حقي كنت مسويه موضوع اضافه بالاسك عام ٢٠١٤
يوم اني كنت صغيره شابه اركض الحين يالله امشي عظامي تطقطق
لا اكذب ماتطقطق عظامي اصلا ماامشي
يعني كسل وين امشي وين اروح بعد !

المهم كان موضوع من قلب كاتبته وانتم تردون من قلب ياطيبين
يا اطيب زمن

اخذني الفضول ابحث واسترجع الباسوورد حقي ودخلت الحين بعد معاناه بالبحث والترصد
ودخلت اكتب كم سطر واختفي ثانيه
اكيد اختفي لاني نادره
مو بسهوله تلقوني هنا

لاضاقت فيني الدنيا قوه قوه اجي هنا بس واول ماتتوسع لو شوي بس اختفي واتكبر ومااشوف احد قدامي
عشان كذا الدنيا تزنطني عارفتلي زين مالومها تبي تأدبني بس ماكو فايده
يالله استودعكم الله
دعواتكم لي بالتوفيق والسداد
انا مدري وش معنى السداد يقولونها من زمان وانا صغيره اتمنى لك التوفيق والسداد
وش اسدد طيب علموني
اسدد وش
اسدد قول ولا دين ولا فواتير ولا وشو ياجماعه

الفجر كتب:

(قاب قوسين) كتب:

الفجر كتب:

يالله هذا المكان الوحيد الي اذا لفعتني الدنيا اجي لمه
خلاص لازم انام وارتاح بس ماقدرت
مخنوقه وخايفه ومتضايقه اكلت فيتامينات وسلطات واكل صحي قلت يمكن نقص فيتامين لكن هذي انا ماتغيرت
الحين وربي فيني خوف وضيقه صدر وودي ابكي بس اعجز ابكي
بس انكتم كذا الله يعييين
متى يطلع الصبح

خذي عسل الطلح البري في الصباح ملعقة وخذيه من محل اسمه (ريق النحل) يحسن الهضم والمزاج والنفسية

لا تنسين البوتاسيوم مهم افطري سبع تمرات مع حليب خالي الدسم
والغدا كلي معه حبة او حبتين بطاطس مسلوقة
وكثري بالمويه
صدقيني نفسيتك بتتحسن

كل هذا عن تجربة

والله ماودي اصدمك بس هذا اكلي دايما ملعقه عسل صباح ومويه وتمر والبطاطس عششقي
انا الي فيني نفسي خوافه افكر بالحروب والمصايب اكيد بيجيني قلق وارق

اذا خمل الجسد اشتغل العقل، اذا جتك هالحاله تحركي سوي اي شي اشغلي نفسك باي شي، والمصايب والنكد محنا سالمين منها (ولقد خلقنا الانسان في كبد) لكن كل اللي عليك احسان الظن بالله من باب قوله (انا عند ظن عبدي بي)
ودايما تعوذي من الشيطان لا جاتك هالافكار