طيات من الواقع " رواية توم بويز وليديز "

البارت 2

بشكل سريع لبسة ليقنز وتيشيرت وحطيت ميك اب خفيف وفتحت لنوره الباب
كانت الساعه تقريبا 3 العصر
نوره : اهلين قلبي
مريم : هلا حبيبتي تفضلي نورتيني
نوره : مرا مشتاقه اسولف معك وافضفض لك عندي لك سوالف كثييير
مريم : اليوم كله لك سولفي ياقلبي
نوره : والله انا متواعده مع صاحبتي بالظهران مول بعد ساعه بس جيت اسلم عليك
مريم : افا عليك شدعوه مابنلحق نقول شي
نوره: شرايك تجين معي
مريم : خلاص اوك
نوره بدت تسولف عن حياتها الجديده الي شبه مااعرف عنها شي
نوره : والله تصدقين يا مريووم ع كثر ماتعرفت ع صديقات بهالسنتين مالقيت احد يفهمني زيك
مريم : افا عليك افهمك من عيونك
( نوره انسانه مو عاديه هي تجذب الناس لها بشكل سحري والكل يتمنى يصادقها لكنها ملوله من الناس والحب وماتسلك مع كثير ناس الا ان حولها كثييير يتمنون رضاها وهي تمشي ع مبداء زملائي كثير وصديقاتي قليل وفي نفس الوقت لها عداوات غريبه يمكن لو اخلي البارت كله عن اسلوبها بالحياة ما اخلص بس انتو بتكتشفون معاي وفي شي مهم فيها انها ماتعرف تجامل ابد ابد يعني على كثر ماتحبني لو اسوي شي ماعجبها تقول لو لبست شي ماعحبها تقول مستحيل تجامل تعطي كاش بالوجه لو مين ماكان الشخص الي قدامها وسوالفها وقصصها ماتخلص يمكن تستمتعون بقصصها اكثر من قصصي )
نوره : انا ماعاد ابي افارقك خلاص حتى لو لرجعت لرياض ابيك تضلين معي صديقتي
مريم : اوعدك مهما يصير بيننا مانفترق
نوره : مريوم يلا لبسي عباتك لا نتأخر ع البنت
مريم : اوكي
وطلعنا
لما وصلنا المول قابلنا صاحبتها
تعرفون مين طلعت
التومبوي الي كانت بالبارتي
انا انصدمت والتومبوي انصدمت لان ماكان معها خبر ان بيجي احد مع نوره
سلمنا ع بعض وانا مرا منحرجه
اهلين انا راي
هلا والله انا مريومه
( راي تومبوي بجد جذااااب طويل وشعره بوي قصير من الجنبين ومن فوق اطول بشوي طوله 175 وعريض ومليان ابيض عيونه صغار ونعسانه والحواجب عريضه ) عمره 24
راي : نوره كان قلتي ان في احد بيجي معك
نوره : شدعوه تراها صديقتي
راي : ماقلت شي انا بس ع الاقل استعد شوفي شكلي توني طالع من الدوام
مريم ضحكت بشويش على شكله وهو منحرج)
وتوجهنا لكوفي وجلسنا نوره جمب راي وانا مقابلهم انا طلبت كريب بالتشوكلت والايس كريم
بصراحه انا استحي بكل الاوقات الا وقت الاكل لو مين قدامي باكل
وهم ماطلبو شي
نوره: شخبارك ياراي بعد البارتي
راي: والله ياقلبي انبسطنا جد تسلمين ع البارتي
نوره : اهم شي انبسطت
مريم: بجد كان البارتي حلو
نوره : مريومه تذكرين راي بالبارتي
مريم : ايه اذكرها بس هي طول الوقت جالسه مارقصت
راي: ايه ماكان لي خلق ابد
نوره : ليه عسا ماشر
راي: ابد الي معاي كانت غاثتني
مريم: ايه صاحبتك ام بوت
( راي تغير وجهه بسبب تعليقي بصراحه انا قلتها بدون ما احس انها اهانه و راي ما تغير وجهه الا انه عارف ان البوت جد يفشل هههههه)
راي : ايه هذي خويتي
نوره : ليش شسوت خويتك بعد
راي : في وحده داقه علي تتحرش وربي اني ما اعرفها واقولها ما اعرفها ولا تصدقني وهذي داقه تخرب وكل شوي تدق وخويتي تتضايق وتصارخ اصلن ماجلسنا بالبارتي كل شوي نطلع نرد عليها والمشكله انها تعرف معلومات عني وانا مو عارف ارقع
نوره : الله يعينك عليها
مريم: عادي يعني هي خويتك اكيد بتغار وتشك
راي: اصلن احنا كنا تاركين من فتره ورجعنا وانا تركتها بسبب لسانها الطويل والحين ترجع لنفس الحكايه
مريم : الي يحب لازم يستحمل
( راي غير الموضوع بسرعه)
راي : ها يانوره ايش صار ع الحب ماتبين ترجعين له
نوره : اووف لاتجيب لي طاريه
راي : حرام مسكين والله انه يحبك ويدور رضاك بس انتي راسك يابس
نوره : الحب مو غصب انا حاولت معه فتره ولا تقبلته
مريم: خيير فهمووني
راي : نوره خاوت صاحبي ميش فتره بسيطه شهرين تقريا بس كان كلها مشاكل والمشكله انه بجد حبها بس هي مامنها فايده
نوره : مو مشكلتي انا حاولت وما قدرت
مريم: دايما لانسان مايحب الي يحبه
راي : مريم بعد اسبوع بارتي اختي ليش ماتجين
مريم : متى
راي : يوم الجمعه الجاي
مريم : يووو خساره بسافر
راي : افا اجليها طيب
مريم : مقدر والله
راي : انتي متى بتسافرين
مريم : يوم الخميس
راي :طيب اجليها يوم
( واضح ان راي مهتم بحضوري بس ما اعرف ليه وهو مخاوي)
نوره: جد ليتك تجين بنبسط
مريم: اوكي بحاول
وسولفنا كثير بس اكثر شي نوره تسولف وخلصنا ومشينا
انا ونوره مع بعض بالسياره
تبون تعرفون ايش صار بالسياره ابي حماسكم معاي وابي تعليقاتكم واي استفسار انا حاضره لكم