طبعا الرواية عبارة عن بويات بنوتات . القصة جرئيه شوي لو ماحبيتوا الجراءه الي فيها تقدرون تقولون لي عشان اعدلها لكم واسمحولي على القصور
معلومة ان الرواية واقعيه من كتابات قاهرهم والشخصيات الي في الرواية حقيقية وموجودين ..
نبتدي ب شخصيات الرواية :
البويات:
بويه عبود - بويه زيود - بوية سلوم - بوية خلود - بوية حمود
البنوتات :
ريم - فطوم -عواش - شموس -منى - راوية - غلوي ...
الشخصيات وتعريفها بيكون مع الرواية واتمنى الكل يتحمس معاي فيها
يالله نبدا ......
بيوم جديد كان بالمدرسة دخلت عبود المدرسة بكل ثقه وماهمها شي راحت للادارة سلام عليكم
المدرسة : وعلكم السلام اهلا اهلا كيفيك شو اخبارك
عبود : تمام وانتي مس والله واشتقنا
المدرسة : حبيبتي انتي .. يالله روحي لصفج موجود فوق تعرفي مكانه اكيد
عبود : افا عليج مس اكيد اعرف .. وتبوس المس وتروح للطابق الثاني خلونا شوي من الاحداث وتعالوا اعرفكم على خشصية عبود وملامحها
( عبود جسمها مليان ومب طويلة ولا قصيرة مره طولها 158 وشعرها بوي يعني للجتف وعليها عيون حادة وكل من يجوف عيونها او يركز فيها يخق عليها وهي تجوف نفسها مش دميلة وايد بس الكل يقول انه جميلة وكل البنات يحبونها ويبونها وعليها اسلوب مره يجنن عصبيه وباردة وطيبه وايد وتحترم كل حد ) بتتعرفون عليها اكثر بالرواية وهي الشخصية الرئيسية في الرواية
عبود يفج الباب - يعني يفتح الباب :
بتحمس وهو مستانس سلام عليكممممممممممم وتي عينه على استاذ الانجليزي
كان مدرسة عبود خاصة ويدرسون مدرسات ومدرسين
الاستاذ : اهلا اهلا ادخلي ادخلي ( مصري )
عبود : اهلين استاذي انا غلطانه مع السلامه - طبعا يبا يشرد
البنات : بصوت عالي لا انتي معانا تعااااالي وهم يضحكون
عبود : حسبي الله من اول يوم مافي تعاون
الاستاذ : يقطعهم خشي الصف يابنت ( الاستاذ يديد على المدرسة او بالاحرى على الطالبات )
عبود : انشاء الله ودش عبود وهو يمشي بيروح يجلس عند غلوي جان يلمح وحده يالسه بروحها ويديدة وجميلة ماشل عينه من عليها لين يلس عند غلوي ,, غلوي منو هاي اليديدة تعرفينها ؟
غلوي : لا والله بعدني ماعرفها
عبود : ياخي طر
غلوي : توه ماقلنا بسم الله وانتي تبين ترقمين
عبود يضحك وفجاءه يسمع صوت من وراه يقرب عليه
ريم : اهلا اهلا توه ما انور الكلاس
عبود : اهلين انتي مداومه
ريم: لا راقده ف البيت ها ها ها
عبود : اقول بلا سخافة
ريم تي تسلم عليه وتبوسه
عبود اقول ريم
ريم : عيوني
عبود : منو هاي الجميلة الي يالسه ورا
ريم مادري والله تعال نروح نتعرف عليها
عبود : لا لا خليها برايها
ريم : ها منو عبود يقول جي طيب طيب
نخلهم بحالهم شوي وخل نجوف شخصية ريم ( ريم انسانه مره ربشة وتحب تساعد غيرها وطيبه وايد جسمها حلو مليان شوي وطولها تقريبا 162 وجمالها مملوح يعني جميلة )
المهم خل نجوف عبود وشو بيصير معاه ومنو حمود الي بيدخل عليه وعلة شلته فجاءه وشو المشاكل الي بتستوي ....
يتبع البارت الثاني .....
عدل سابقا من قبل 8ahrrhm في الخميس أغسطس 22, 2019 4:00 pm عدل 4 مرات (السبب : العنوان طويل)