B.adeeer الثلاثاء أبريل 24, 2018 1:16 pm
عيش لنفسك واعطي ظهرك للي ما يستاهلك ، مافي غياب إلا غياب راحتك ومافي فقدان الا فقدان ذاتك
البآآرت الاول
فرح :ماما انا حكيتلك من قبل ماراح ارجع الا لما استقر واشوف وضعي خلاص
ام فرح بثينه : بس ياماما ابوك اخذتي رايه؟ احنا مقصرين معك بشي ؟
فرح : شدعوا ياحبي هو داري عننا ولاتخافين هو يدري بقراري ولامو مقصرين خيركم مغرقنااا انا وبشوره بس ياماما لاهي بشغله ترا وانا رجعه للبحرين مو راجعه ياحبيبة قلبي الا بعد ما اخلص وضعي هناك
بشاير: هوب هوب شسالفه؟
بثينه:شوفي اختك قررت تسافر وتتركنا هنا نتخبط بروحنا
بشاير : جد فرح متى انشالله
فرح بطولة بال : اسبوعين وطايره
بشاير تناظر بامهاا :حلو عشان اجهز شنطتي عطو بابا خبر
بثينه تناظرهم بقل حيله : كمللللت ياربي
فرح وبشاير : هههههههههههههههههههههههههههههههههه
عائلة فهد الفهد
فهد عمره نهاية الستين رجل معتممد على نفسه بكل شي وبناته اخذو هالطبع منه
زوجته بثينه عمرها ٤٥ سنه بس الي يشوفها يعطيها بنهاية الثلاثين لانها تعتني بنفسها حيل
فرح عمرها ٢٤ سنه خلصت جامعه وقررت خلاص تسوي بزنس خاص فيها وتعتمد ع نفسها
طولها حلو لاقصيره ولاطويله جسمها مرتب منحوت
عيونها ناعسه وكبيره تحب لبس sport وتهتم بنفسها حيل شعرها لنهاية ضهرها وبشرتها بيضاا
بشاير خلصت ثانويه وبعد الاجازه بتدخل الجامعه جميله ومرتبه ونفس اختها وامها تحب تهتم بنفسها حيل
ببت ثاني مايقل فخامه عن بيت ام فرح
........:مايتأجل يعني الموضوع ابد
بثينه :لا تعال الله يخليك لو قادره اقولك ع الجوال كان قلت
فهد : طيب يالغاليه ميافة الطريق >قفل
هند : هذي بثينه؟
فهد بابتسامه: ايه
هند : عسى ماشر فيهم شي البنات
فهد: يعني ماتعرفينها ؟ اكيد فرح جايبه لها طاري السفر
هند: وترا بثينه صادقه هذولا بناتك لاترخي لهم الحبل
فهد : اشوفك شديتيه ع ميشو >جلس يضحك
هند بضيق : مشاعل انت ادرى بانها محتاجه هالشي وهذا راي اكثر الاطباء الي هنا والي برا
فهد وهو قايم : الله كريم
هند تصير اخت فهد الوحيده وماعندها غير بنت وحده اسمها مشاعل وينادونها مشاري ومن عمرها ١٨ وهي برا البحرين وعايشه حياتها والحين عمررها ٢٧
بمكان بعيد جداا عن البحرين
هند: وهذا الي صار
مشاري :اهااا اوك حياها الله بس تعرفين يمه لا احب ارتبط مع احد ولا احد يرتبط فيني
هند:عيب عليك هذي بنت خالك وفهد الامانه ماقالي شي بس البنت عنيده وتسوي الي براسها قلت اوصيك عليها
مشاري : يصير خير لاجت نقوم بالواجب
هند: منت ناوي تشوفك عيني
مشاري : لما يخلص موضوعي هنا افكر وانتي اساسا شعندك هناك تعبت وانا اقولك تعالي لو عشاني
هند: اجيك زياره اسبوع اسبوعين لكن انت تبيني اعيش عندك وخالشي مستحيل
مشاري بقل صبر : يمه تبين شي ؟ وراي شغل
هند : طمني علبك كل ماقدرت فمان الله
نرجع للبحرين
فرح : بابا ترا تعبت من هالموضوع فهم ماما والله تعبت
فهد: بثينه خلاص انا موافق انتي وش قصتك خلاص الموضوع يتقفل
بثينه: اقولك بتستقر هناك انت واعي للي اقوله
فهد: مثل ما اعتمدت على نفسي بناتي بيمشون على مشيتي خلهم يعتمدون ع نفسهم وخلاص لاتناقشين وانتي فرح بابا جهزي امورك والله ييسر لك
بلندن .. مدينة الضباب بمكان هادي ع البحر ..
مشاري وخويه جابر
مش:اقولك بتجي هنا تستقر بتحكرني امي مكلمها خالي اليوم يقول خلي مشاعل تنتبه لها
جابر : حلو حطها بعيونك دام مالها احد غيرك
مش :انت بوعيك ؟
جابر : وش تبيني اقولك لك اسبوع متوتر من هالسالفه
مش: الله كريم امشش جوعان باكل بتسمم ببل ريقي
بعد اسبوع بالضبط من بعد الاحداث
بالمطاااار
فهد : لاوصيك ع نفسك وعلى بشوره
فرح وهي تناظر امها : بعيوني بابا لاتخاف بس حاول تهدي ماما
بشاير : ماما انا راجعتلك مالك خلاص مني كلها شهر وجايه بجلس ع قلبك
بثينه وهي تبكي : الله يوفقكم ويستر عليكم وانتي يافرح انتبهي لنفسك وعنوان بنت عمتك عندك اول ماتوصلين روحي لها هي تضبطك
فرح: ماما شدعواااا حسستيني اول مرا اروح لندن ! خلي البنت باشغالها لاتشغلونها فيني
فهد: ولو بابا روحي لها عشان نتطمن
فرح : ما اوعدك لكن اول ما اوصل بطمنكم ع نفسي
بشاير تضحك : مدري ع مين طالعه بنتكم
فرح : يلا بابا انا ماشيه انتبهو لكم واشوفكم ع خير وتناظر بشاير >وانتي امشي قدامي
بعد رحله طويله ومتعبه حيل بالتسبه لبشاير وممتعه بالنسبه لفرح الي جلست عند بنات جوهاااا
فرح بالمطار تتكلم مع البنات : هذا رقمي وانشالله بس اضبط وضعي بينا تواصل
ريناد: ابشري حياتي واتشرفنا فيك جد عسل انتي والمزززه
فهده تناظر بشزر : تشرفناا >مشت عنهم
فرح تناظرها : اشفيها كذا !
كوثر: هو كذا نفسيه
فرح : متعودين تنادونها كذا ؟
ريناد : يمكن نغست عليك انك جالسه تنادينها فهده ههههههههههه
فرح بزعل : مو قصدي
بشاير : تعبت ماخلصتووو
كوثر : قلبوشهم الي تعبووو
فرح بابتسامه : اشوفكم ع خير
ودعوو بعض
وفرح اتصلت ع امها وابوها طمنتهم عليها وعلى اختهاا
دخلت الفندق وخلصت اوراق اجارها وراحت ترتاح مع بشاير بغرفهم
الساعه 9 الصباح
بشاير :فرح خلينا ننزل نفطر
فرح وعلى عيونها النوم : طيب بتحمم اول واغير يبيلي ساعه انتي انزلي انتظريني تحت اذا ودك
بشاير : ابشري انتظرك لاتتاخرين عشان ما اسحب على مندوب مندوبك
10ونص ورشاير متململه
فرح من وراها : هاي
بشاير : مو من جدك ساعه ونص عشان تغيرين ؟ جعت بطني لزقت بضهري
فرح بضحك : مشيناا بس وش رايك ندق ع ميشو ؟
بشاير : مدري براحتك تتوقعين فاضيه ؟
فرح طلعت فونها وجلست تدق بعد خامس رنه رد
فرح بفرحح : الوو هاي
مشاري : هلا ! من معي
فرح حست الصوت قريب منها لفت لقته واقف ع الرسيبشن وحاط يده ع شعره : انا بنت خالك فهد
مشاري حس نفسه متوهق : اي اهلا هلا الله حيها تو مانورت لندن شخبارك عساك طيبه
فرح وهي تناظره : الحمد لله بخير .. اقدر اشوفك ونفطر معك انا وبشاير ؟
مشاري يحاول يصرفها لان جته خويته : ااااء شرايك نخليها المساا لان طالع الحين وبعيد عن المدينه
فرح بخذلان : اهاا اوك يالله وقت ثاني انشالله >قفلت
بشاير مصدومه : ليه ماقلتيلها انك وراها!
فرح بقهر : محنا محتاجينهاا امشي يالله
موظفة الاستقبال مصريه نادت فرح بوجود مشاري
غمضت عينها فرح بقوه ولفت لها : هلا
ناهد : امس وقع منك دا الشال
فرح وهي تناظر مشاري : مشكوره حبيبتي
مشاري بصدمه كان لاف يده ع خصر خويته سمر
ناهد : ولو احنا بخدمة حضرتك
بشاير ناظرت مشاري بزعل ومشت
جابر وهو داخل صدم بفرح عند مدخل الخروج
فرح : اه شوف عدل
جابر: اسف اسف معليش
فرح : حصل خير >مشت
توقعاتكم تهمني ..
الرئيسية
