Under The Moon ( رواية تومبوي )

فصخ الكعب واهو يسب ويشتم بالانجليزي ..
وراح ورفع السماعة الي برا ..
كن :who is it ?
روي :كن؟؟؟؟ صج الي سمعته ؟؟؟
كن: شنو الي سمعته؟
روي : بطل البااب الحين اقولك بطله ﻻ اكسره .. منو سيارته الي بره ..
كن تبسم شوي حس الموضوع ضحكه : تستهبل ؟
روي:كننننن !!!!!
كن: SHUTUP لا تصارخ خرا
كن طلع بره وسففه بالموجودين الي سمعو كل الحوار الي صار .. خلت الام توصل مرحلة تقول خﻻص انا بطلع ..
كن ما يدري شنو صار داخل بالضبط بس شافهم يطلعون معصبين قبل ﻻ يبطل الباب لروي .. الي هم ﻻحظ انهم متنرفزين فارتاح نفسيا .. ارتاح اكثر لما شاف كن يوقف له عند السور الي عند الحديقة بدون ﻻ يبطله .. بحيث روي بره وكن داخل وبينهم سور..
كن تعلق على السور ورفع راسه يطالع روي ..
كن : نعم؟
روي كان باين انه مرتاح لما شافهم يطلعون : شنو صار؟
كن: مصخرة.. وشنو يهمك؟
روي: تدري يهمني ..!!!
كن: وبعدين ؟
روي سكت وقعد يطالع كن .. حركاته ولو أبسطها كانت تسحره .. حتى عينه لما يحركها تسحره ..
اما كن كان وده بس يظل يطالعه يتأمل حركاته العبيطة الي يسويها من غير قصد .. يفسرها على راحته بس كان يقاوم نفسه ..
روي : طفشتهم ؟
كن: طبعا
روي:عشاني ؟
كن ضحك : عشان نفسي
روي ابتسم وهالحركة خلت كن يتحرك يبي يبعد عن السور ويدخل داخل ما يتحمل يشوف هالابتسامة ما يقدر..
وبس حس روي انه كن راح يبعد مسكه من ذراعه ومسك فكه بايده الثانية وشفه شفة قوية خلته يتخشب بمكانه مصدوم ..
لما بعد كن بدا يوعى شنو صار .. مسح حلجه وبعد
كن: حيوان
ما كان معصب و ﻻ متنرفز وﻻ متضايق من حركة روي .. وروي حس بهشي وخﻻه يبتسم

الشعور الي يكون فيه الانسان بين يحب بجنون ويقاوم الحب ويحاول يفكر بعقله مو بقلبه .. راح يطيحه بحيره .. ممكن يسرح يفكر ساعات طويلة تخليه ما يسمع الي حولينه ..
كان هذا الوضع الي عايش فيه كن ... ما يقدر يتخذ خطوة يخاف يكون لها ردود أقوى ممكن تحطمه ..
قلبه يقوله شي وعقله يقوله شي ثاني ..
عموما بدا الجو يصير وايد حار .. وكن ما كان يتحمل الحر والشمس ولوية المدرسة لما بدا الفصل الدراسي ينتهي .. كان الوضع جدا يدوخه ويخليه يسرح أكثر..
ومثل المعتاد كان منبطح على جنطته ومغطي ويهه بقبعه وهو يحاول يبطل كل زر من قميصه يمكن يحوشه شوي هوا ..
رفع راسه على صوت ميش واهو يقوله يروح عند النرس يمكن حايشته ضربة شمس واهو ما يدري لانه وضعه مو طبيعي
كن ما اعترض .. وصل ميش واسدحه بغرفة النرس وطلع يدورها لأنه الاخت وايد تحوس .. واظاهر ان صادف روي وقاله انه كن عند النرس والثاني اختبص ..
حاول كن يرخي اعصابه وينسدح على السرير ويتمدد شوي
مخه قام يعوره من كثر ما فكر ..
لكنه انصعق بروي واهو يسحب الستاره ويبعدها واهو مختبص : كن شفيك !
كن شوي تفاجئ وحاول ما يبين انه شوي اخترع وكمل سدحته : what the?
انت الي شفيك ؟؟؟
روي كأنه كان كاتم نفسه وتنهد مرتاح واهو يقعد يمه على السرير : شدراني حدك خرعتني
بعد آخر سالفة بين روي وكن كأنهم هدو شوي ... رغم انه للحين ما عرفو عن عﻻقتهم بس كان في تواصل بسيط بينهم مو خزات وعصبية مالها داعي ..
وبعد آخر جملة قالها روي .. صار هدوء شوي ..صعب اي واحد فيهم يبدي بحوار .. تبلدو اثنينهم على هالوضعية ...
والغير متوقع يصير متوقع بهلحظات البايخة .. من عند الزبالة الي عند ادراج النرسس زحف لهم فار مادري من اي خرا طالع .
روي شافه اول واختبص ويهه ولما انتبه كن عليه صرخ صرخه وقام من طوله فوق السرير .. الاشياء السخيفة هاذي كن كان ينأرف منها وواضح انه روي بعد نفس حالته ..
ولما بدا الفار يتحرك صوب السرير روي وقف هم فوق السرير متمسك بكن وﻻنه السرير صغير صار حوسة ..
كن: وووووخر ﻻ تدز
روي: انت ﻻ تسحب
وكأنه الفار سمعهم ولو انه ما كان يقرب يمهم بس تخيلو يقرب يمهم .. فقعد كن يحذف عليه اشياء وروي يصارخ انه راح ايي صوبهم لما طلع من بين الستار لي بره ..
تنهد كن وانتبه انه كان ماسك روي من قميصه والايد الثانيه عند رقبته .. وروي كان ماسك كن من ذراعه ..
وبحركة عفوية بعد عنه ..ما توقع انه روي راح يشد ويسحبه ويشفه بقوة ما خلت كن حتى يقاوم او يرفض وما وقفه الا صوت النرس واهي تدخل..
اشوه انه ما شافت شي غلط بس شافتهم فوق السرير .. استغربت حييل وويهه كان فعﻻ متفاجئ

عموما مر اليوم بسرعة ولسبب كن كان جدا مستحي من روي .. ما يدري هل لانه فاجئه .. او ﻻنه حس شي قوي بينهم ..
حاول يتجنب يحط عينه بعين روي .. وهالشي خله روي يستانس ويضايقه بعيونه وين ما راح ..
وبنفس اليوم كان الكل متفق يتجمع في بيت فطوم بس يكون التجمع مبجر عشان باجر مدرسة ..
وفعﻻ الكل تجمع والغريب انه روي وكن احضرو رغم انه اذا درا واحد فيهم ان الثاني بيحضر يكنسل ..
ولما شافو بعض كن تجاهل روي بس بعفوية وواضح انه للحين مستحي ..
وقعدو ياكلون ويشربون وفطوم كانت عازمه بنت جيرانهم بنت شوي ملسونه ومخها اصغر من عمرها الي قريب ال 20
لما روي راح الحمام يغسل كانت اهي اوردي بالحمام وحمام الضيوف عند فطوم في مغسلتين...
لما شافت روي دخل .. عطته نظره على الماشي وقالت : هاذي المشوقرة الي معاكم من وين ؟
روي: وليش تسئلين ؟
البنت الي نسيت حتى اسمها ديما ريما شي جذي: واضح انها مو متربية كلش ..
روي استنكر ورفع حاجبه: نعم؟؟؟
البنت: وقحة وسوقية ما تعرف حتى تتكلم
روي حس ان البنت متنرفزة لانه كن سفهها بس جدا تنرفز من كﻻمها وكان شوي ويمسح فيها القاع
البنت : ويع ويع بنت شوارع !!!
وبهلوقت بالذات سمعو صوت صراخ بالحمام .. اخترعو كلهم ولما راحو صوب المغاسل شافو روي ماسك البنت من رقبتها ويهددها ..
كن تفاجئ ومسك روي وسحبه لي ورا بكل قوته .. وفعﻻ كان صعب يوخره ولما سحبه الطشه كف على ويهه بعصبية : انت مينون !!!
كن ما كان يدري ليش سوا جذي بس تنرفز وتنرفز حيل حييييل
روي انصدم بس سكت ما قال شي .. ما حاول يبرر او يعترض ..
طلع بره بهدوء .. وكأنه ينطر السايق اييله ..
البنت كانت قاعدة تبجي وحاولت تبرر حق فطوم انها لما تكلمت عن كن ما كانت تقصد شي ..
كن وقتها وده الارض تنشق وتبلعه .. من طريقة كﻻمها واضح انها نرفزته .. و روي كان يدافع عنه ﻻ اكثر ..
نفخ حيل وطلع يدور روي بره .. ولقاه فعﻻ قاعد على الكراسي الي بره ساكت وهادي على غير طبعه ..
قرب كن يمه ونزل صوبه على الارض يطالعه عين بعين .. روي انتبه له وقعد يطالعه واهو معكف حواجبه بس بدون ﻻ يتكلم ..
كن: ليش ما قلت لي؟
روي:....
كن سكت ونطر روي يتكلم .. روي بالبداية بعد عينه عن كن ولما اصر الثاني رجع حط عينه بعين كن ... نظرة رغم انها شديدة كانت حزينة خلت كن تخنقه للعبرة ويحبس دمعته
روي ببحه: راح تكرهني أكثر
تنهد كن وسحب روي وضمه بقوة فاجئت الثاني ..
كن: ومن قال أنا أكرهك؟؟
روي طالع بكن ورفع حاجبه كأنه يقوله والي صار يعني شنو
روي: يعني تحبني؟
كن: أهبل ؟؟
روي: ليش ؟؟
كن : لو اني ما أحبك كان ما شفتني لحقتك لي برا وبستك
روي كان بيبرر ولما استوعب كﻻم كن تفاجئ بكن يبوسه بهدوء وﻻنه الوضع كان يسمح طولو حيل بالبوسه .. كن يومها حس فعﻻ بأنفاس روي .. حس وكأنه روحه انسحبت وخطفها روي

ولما بعدو ... خدرو وظلو بس جذي يطالعون ببعض ..
روي كان ساحب كن بحضنه ويطالع فيه ..
روي: ضربات القلب عااالية
كن حسه كأنه بتشمت فيه فعلى طول رد: مووو قلبي هذا
روي سحب ايد كن وحطها على قلبه : ادري اسمع قلبي ..
كن تفاجئ .. ظل يطالع بروي مفهي حيل .. وخر ايد روي عنه وقعد يمه ..
روي ما خﻻه بحاله .. حط ذراعه برقبة كن وسبحبه بحركة صبيانية وباس خده : يا اخي احبك
كن يضحك معاه : يع سعابيل
روي استنكر ورفع حاجبه وقام نط على كن واهو يبوسه بكل مكان وبسرعة كأنه يضحك ياهل .. وفعﻻ كن كان يضحك ويحاول يبعد روي عنه ..
كن: خﻻص خﻻاااااص خﻻص !!
روي: أحبك ..
كن واهو يضحك: أنا أحبك

شعور الحاجة موجود في كل إنسان ولو إنه متشبع بكل الجهات
لأنه الحب فطرة أكثر من اكتساب ، علاقة روي وكن صارت مثل حاجة واحتياج للحب والصداقة ... صارو يفهمون بعض أكثر من أي إنسان ثاني ، ما كان واحد فيهم يحتاج يتكلم عشان يعبر عن إلي بداخله .. صار الحب فيهم غريزة واضحة
خلونا نمشي جدام شوي ونوقف عند آخر سنة ثانوية ... لو إن السنين إلي مرت كان فيها مواقف و أحداث وايد .. ومثل ما يقولون
ups and downs
لكن ما كان فيها تغير جذري في علاقتهم غير أنها كانت جدا قوية ... كانو مثل الإنسان وظله وين ما يروح كن تلقى روي معاه والعكس وين تشوف روي ﻻزم كن يمه .. تعودو على بعض بشكل فوق الطبيعي
كان كن ينطر روي بره مجمع بالتحديد عن مصافط السيارة ، يحاول ما يلفت الأنظار حقه فمندعس في زاوية ويدخن .. وطبعا مغير شكله لأنه ما يحب يثبت على نمط معين .. كان مطول قذلته إلي جدام والباقي كان قصير إلا حد ما .. وقتها ما كان يحب يصبغ شعره بس كان مسوي هاي لايت بقذلته فصاير شكله فرش ..
كان ينطر روي الي راح يشتري لهم قهوة من داخل المجمع "المرينا مول " كن نطر وايد وحس انه مل ، خلص زقارته وقرر يدخل يدور روي إلي المفروض يكون عند الكافيهات إلي بره
دخل الأصنصير ورعص الدور الأول .. ما انتبه أن كان في شخص معاه بالأصنصير يطالعه .. لما رفع الشعر عن ويهه شاف وجه شخص مؤلوف عليه .. ابتسم على طول
كن : heeey its you
الشخص أذكركم فيه كان إلي ناوي بخطب كن مع أهله وكن هبب فيهم وبالنهاية فلو
الشخص الي ينقاله جاسم كان مستغرب وقال بشوي انفعال: كرستين؟
كن : yeah !
انفتح الاصنصير ولما انتبه كن إن وصلو نزل على.طول واهو يقول له nice to see you here man
لما طلع كن لحقه جاسم وحاول يكلمه يستفسر بس كن ما كان معاه كان يدور روي ... لما طاحت عينه على روي ابتسم وأشر له من بعيد
روي هم انتبه له .. كالعادة الكلاسيك ستايل بس على أحد من كل مرة .. كن كان عنده قناعة الإنسان كل ما كبر يكبر جماله معاه .. وكان روي بالنسبة له أكبر مثال ... قرب روي من كن وعطاه القهوة واهو يطالع الي عند كن مستغرب شنو يبي بالضبط
جاسم حس وضعه شوي غلط .. ما كان نوعه يركض ورا الناس أو يحاول يفتعل نقاش بس تصرف كن العفوي خلاه يندفع
اعتذر بأدب وذوق
قبل ﻻ يمشي .. انتبه أن كن طيح القهوة من أيده بطريقة غريبة كأنه مفاصله خدرت
استغرب شوي ووقف يطالعه .. نفس الطريقة صار مع روي رفع حاجبه مستنكر .. كن مو طبعه يطيح كان شي غريب صاير
حس كن مو طبيعي .. وفعلا كان مو طبيعي لا مفاصله خدرت وجسمه مو قادر يشيله .. فداخ وحس كأنه بيطيح بالأرض ..
مسكه على طول روي وقعد يصارخ بويهه : كن !! كن حبيبي شفيك ؟؟
جاسم رفع راس كن الي كان مسفههم ويقول ما فيني شي شفيكم يه .. مو ماكل عدل اليوم
روي ما قدر يخش انه معصب ليش جاسم ماسك كن او حتى مقرب منه .. بس كان واضح انه جاسم عارف شغله .. كأنه يكشف على كن واهو يطالع عينه واستجابة النور لها ...
اي نعم جراح سنة أخيرة طب جراحة للتمويه فقط
حس انه الموضوع مو طبيعي بالنسبة له وﻻ واضح طلب بسرعة من كن يقعد وراح بسرعة اييب له ماي و شكر .. لانه باين انه ضغطه نزل
روي كان مختبص كالعادة وكن كان يفصخ جوتيه لانه حاس بحر
روي انفعل وقعد يزف كن : شقاعد تسوووي !! ﻻ تتحرك اركد مكان
كن: يا أمي حرررر its too hot damn it
جاسم ياب الماي وكن شربه مع الشكر وحس نفسه شوي أحسن
جاسم قال لكن يروح الطبيب ويشوف ليش ضغطه نزل فجأة أحسن له وعطى كن رقمه وراح
روي كان متنرفز من موضوع جاسم بكبره بس كان تركيزه على كن وﻻزم يروح الطبيب

طول الدرب واهم بالسيارة الي وقتها روي كان يسوقها .. كانت كبيرة بطريقة مبالغ فيها وكان كن كل ما ركبها يتأفف لانه مجهود على ما يصعد وينزل
روي كان يحن يحن على كن ﻻزم يروح الطبيب الحين
أما كان كان يقوله ماله داعي أو بعدين لما انفجر من الحنة والتكرار : خلااااص عاد وجع بسسسسس stop it
كن عدل صوته شوي ووضح حق روي أنه عنده موضوع مهم يقوله : roy i need to tell you something
حس روي أنه الموضوع مهم ... حاول يركز على الطريق رغم انه كان كل شوي يلف على كن ينطره يكمل
كن : i'm going back
روي : going back???
كن: to LA
روي : شكثر بتقعد؟؟
كن : ......
روي انفعل ولف على كن يصرخ : مو ناااوي ترد ؟؟؟؟
كن : بدخل جامعة كليفورنيا ومن بعدها مادري شنز بيصير
روي انفعل أكثر : جامعة ؟؟؟ شفيها الجامعة إلي عندنا ؟
كن استنكر : مكاني مو عندكم !! روي حاول تفهمني
روي : ما أفهم أنانيتك !
كن: أنانية ؟؟
وقبل ﻻ يحتد النقاش روي من سرعته ولسبب ما انفجر التاير سيارة الي على اليمين فما قدر روي يتحكم بالسيارة ... دخل بالصبة اليمين وبعدها الصبة اليسار
ما كان فب انقلاب بس كان الحادث قوي لدرجة أن الأير باق طلعت

هذا كل الي نزله الكاتب وكل م ينزل بنقله هنا لان واضح ان الي ينقل الروايه سحب

وااااايد أعتذر عن الإنقطاع لأسباب صحية
للأسف الشديد الكاتب ما راح يكمل الرواية

KenZ كتب:وااااايد أعتذر عن الإنقطاع لأسباب صحية
للأسف الشديد الكاتب ما راح يكمل الرواية

ههههههههههههههه احسن سحبو عليكم

بعد انقطاع طويل , الراوي بلش يكمل كتابة

وتنزل أيضا في الانستغرام تدريجيا على هذا الأكاونت : _underthemooon