Tb_jsoome الأحد مايو 10, 2015 2:00 am
فود ياخذ نفس و يتنحنح لين هدا : اءء شكو منو قال و بعدين انت تركت كللل اللي حولي و اخترت ساز !
بدر يطالع رجوله و فيه ضحكه : و الله هذا اللي عيوني تشوفه انك تحبه بس هو ما يدري
فود تنهد : ليش واضح علي ؟
بدر مسك جهازه و دخل الكاميرا و شغل تسجيل فيديو و دخله بمخباته : بصراحه اي واصح انك تحب ساز
فود بلع ريقه : اء بس انت شلون عرفت
بدر : انا بدر الخطير مو لعبه هههههههه تكلم لي عن حبك له دام ما عندنا احد
فود حط ايده على قلبه : اخخخ شقول لك احبه يا بدر اكثر من كل شي بالدنيا بدر احبه تعرف شنو يعني احبه اليوم اللي يكون بدونه ينعااف...مادري احسه ساحرني...كلامه...عيونه ضحكته النكت الي يقولهم ساعات يصير سخيف بس و الله ان سخافته عندي تسوى مليون خاطره و قصيده...اشوف حياتي بعيونه...القى سعادتي بابتسامته...يضيق صدري اذا دمعت عيونه انقهر..مابي شي بهالدنيا يتعبه و مابي احد يزعله...اذا ضمني اعرف لو كان مشتاق و لا متضايق و لا مستانس و لا تعبان اعرفه بكل تفاصيله...انا دارسه عدل عارف عيوبه و احبها قبل ميزاته و احب وقتي اذا كان معاه...ما ودي اطالع عقارب الساعه و القى الوقت ما يسمح لي اقعد معاه اكثر لاني مابي شي يبعده عني او يبعدني عنه...بس اهو!...لين الحين ما اعرف شعوره تجاهي شنو...-دمعت عيونه و بصوت مبحوح- احببه...احبه و مابي شي يفرقنا
بدر قرب و ضمه : انزين ليش تبجي الحين
فود يشد عليه : اشتقتله ابي اشوفه -يشاهق-
بدر يمسح على ظهره : راح يجي و الله قال لنا انه بيجي
فود يشاهق و يطلع كل التعب اللي بقلبه بس بدون اي كلمه و كل هذا مسجل عند بدر
مرت ٨ دقايق و دخلو داني و ريوم
فود شافهم و مسح دموعه بسرعه : ريووم
ريوم ركضت و ضمته و قعدت بحضنه : فوود ليش حاطين لك ابره -مبوزه-
فود : اءء انا طحت بالمدرسه صح داني -يطالع داني-
داني وخر ريوم بسرعه و ضمه و هو يمسح دموعه : توقعتك اقوى من جذي
فود ابتسم و هو يشد عليه : الله كريم شنو اسوي بعد
بدر لف عنهم و طلع جهازه و سكر التسجيل و رد جهازه بجيبه : خلاص وخر عنه اغار ههههه
داني لف عليه : وجع انت تغار على الكل ! توك بالمدرسه تغار على شهد
بدر قعد عندهم : و الله كيفي هههههه شفتات انا كل شوي عند واحد
داني قرص خد فود : اخخ عندك اخت خياليه ب٤ دقايق تخلص كشختها
فود يحك خده : احح اي شعلى بالك انا مربيها معطيها العين الحمرا ههههههههه
بدر يطالعها : يا لبيييه ابك اختك خقه -قرب لها- تتزوجيني
فود : هييي لا تخربها تكفى
ريوم تطالعه : قليلين ادب عيب عيب الزواج وصخ
كلهم لفو عليها بصدمه و بصوت واحد : هااا ؟
ريوم بلعت ريقها : اءء خلاص مو شي
بدر : هههههه شكلها تعرف كل شي هذي
داني : من صجك ! الا تلاقيه يطبق عليها عملي ههههههه
فود : لا عاد مو لهالدرجة لا اقوم اصرعكم اثنينكم
مرت دقايق و دخلت هنو معاها كيك :سلام يا حلويـ...هههه بدر ! شجابك هني ليش خليت لميس بعدين تزعل منك
بدر يطالعها بسخريه : لموس نايمه و انا ماني مطول لاني ما اصبر بدونها
هنو حطت الكيك عند فود : ما تشوف شر فود
فود ابتسم لها : الشر ما يجيج هنو ليش متعبه نفسج
هنو بترد بس سبقها بدر : لا خلها تتعب نفسها شوي احسن لا شغل و لا مشغله و احنا نبي كيك و شغل اذا انت ما تبي لا تاكل
فود : ترا بحط وجهك داخل الكيك عشان تاكل عدل هههههه
داني : اي امانه و انا بلحس اللي على شفته
بدر بصدمه : ههيي من صجكم
فود مسك رقبه بدر من ورا : اجل نلعب معاك
داني متحمس و بدر يصارخ
طق الباب و فود ترك بدر : افف ادخل
دخل د.سلمان و معاه د.رائد
رائد شاف فود و انصعق *هذي المجنونه شجابها هني*
فود شافه و اشتعلت النار بداخله : انت يا كللبب -شال المغذي و نزف دم خفيف بمكان الابره و ركض خنق رائد-
رائد يحاول يبعده
فود يصرخ : و الله لا تموت و الله محد بيذبحك غيري
سلمان ترك الملف و دخل بينهم و شال فود بسرعه
فود يرافس : وخر عني و الله لا اتصل بالشرطة و ابلغهم عنك يا حقير -تفل عليه- و الله ما اهدك الا و انت متحسف يا وصخ و انت اتركنييي !!
سلمان نزل فود بسرعه على السرير و صرخ بغضب : خلاااص انتيي !!!
فود يطالع ربعه شلون مصدومين و مو فاهمين شي
سلمان يطالع رائد : شكلي عرفتك يا رائد عدل الحقني للمكتب -طلع-
رائد طلع وراه بسرعه *يما هذي لو تلقاني بروحي بتذبحني لا يكون صج مجنونه هذي*
______________________
ساز يمشي بالممر و هو ماسك الورد و فاتح قميصه من بدايته و وقف شعره و متعطر (من الاخر دماار)
شيوم شايلة الكيس اللي فيه العصاير الطبيعيه و قلاصات بلاستيك : اففف شيل الفطاير عني
ساز اخذ الفطاير : قالو لنا اي غرفه ؟؟ -خفف بسرعه مشيته-
شيوم : ٣٠٣ بعد كمل باقي ٤ غرف
ساز مشى للباب و اخذ نفس عميق و دخل : سلاام
فود يطالعه و يحس ان العصبيه كلها تبخرت
ساز حط الكيس و الورد على الطاوله و قرب له و ضمه بهدووء
فود يشد عليه و يغمض عيونه بشويش
بدر مبتسم و يطالعهم
هنو بلعت ريقها و طلعت فونها و سوت نفسها ما تشوفهم
ساز بهمس : اشتقنا لك الدوام بدونك مو شي
فود استانس : ههههه اءء و الله لو ادري بتسوون جذي جان من زمان طحت بالمستشفى و طلعت من الدوام
ساز بسرعه : كلخرا اسمله عليك -يلمس رقبته-
فود مستغرب من حركاته : ههههه فيك شي اليوم
ساز ابتسم و قعد قباله : لا اءء سولف لي شصار لك ليش انت بالمستشفى هاا