مُلفت هيبه جمال اجابية جُرعة سعادة !
لما يدخلون خوات من باب واحد
هكذا انا آصف المنظر .
سبع ست خمس اربع ثلاث ...؟
مُختلف يبقى منظرهم جميل ..
ماشاء تبارك الله !
اذا شفت خوات كل مايجول في عقلي
وقتها ودي اقول لهم ممكن أصير اختكم اليوم بس ؟!
ممكن البعض يشوفه امر تأفه لكن انا اشوف
هالمنظر قمة بالجمال .. بنات عمي تقريباً
ثمن او احد عشر .. لا تنصدمون ماعرفهم
مُطـره اعطيكم رقم تقريبي !
اعرفهم بالشكل هههه استغفرالله بس صدق
انا يوم كنت صغيرة أشوفهم رعب من كثرهم !
والي يخوف اكثر اشكالهم جـداً مختلفة .
لكن الان أشوفهم هيبة واتعمد انتظر دخولهم القوي
بالنسبة لي واذا قالو بنات آل... وصلو الاسم يرن رِن !
استغرب لما اشوف بنات يتذمرون من خواتهم
او بينهم مشاكل اتذكر دايم صديقاتي
يشكون من خواتهم وانصدم وشكواهم من امور تأفهه !
ايام الطفولة تفكيري كان سطحي ابـي عندي خوات
يكونون مجرد عون لي وقت الضرب ؟
بمعنى أصح ( فزعه لا اكثر ) .
لكن الخوات الي بينهم أعمق بكثير وأجمل !
صحيح اني عن عشر خوات لكن هذا الموضوع ؟
مأزمني قديماً والى هالوقت الحالي !
ومدري من مقنع البنات الي عندها اخوان مُدلله
واوامرها مُنفذه .. صحيح ان اخواني يدللون لكن
يحسسوني اني مُستهدفة من جميع النواحي !
مشتهيه ان عندي خوات والحين نأكل حب
ونشرب شاهي ونتابع مسلسل
واخيراً .. ما اثقلك وما ابطئك يا شهر 10 .