مُـجرد احاديث !

لي فترة اقوم الصباح
صحيح ان الصبح شـيء جميل
لكن المشكلة جوي ليل !
ما قدرت أتأقلم معني احاول
قدر المُستطاع اسوي لي جو رايق
وفطور رايق والمسلسلات الي اتابعها
ب التلفزيون تجي ورى بعض
لكن الصبح طويل وممل
ماقدرت أتحمله !
وآلساعه 5 العصر احس بتعب
وإرهاق .. وانتظر صلاة العشاء ؟
بفارغ الصبر واحس ان الصباح
يستهلك طاقتي بشكل كبير !
اليل غير تماماً جميل احلى بكل شـيء
احس ب استمتاع واستكنان وحلاوة
غير غير غير بكل شـيء هذا الي اقدر اقوله .

ما رقت وكذب كان بينت لـك رقت
الله عالم كيف تغفى جفوني .

فيه اشخاص يتغيرون بلا اسباب  
شئ غريب فيه شخص تغير علي كذا
فجاءة.... طبعا الموضوع له
اكثر من سنه وانا ماكلفت على نفسي اسألة
ليش تغيرت ؟
انا كذا الي يتغير علي اسحب نفسي منه بكل هدواء
ماعرف اسألة احس مجرد سؤاله
عن السبب نوع من الضعف بشكل غير مباشر
صحيح ان الفضول قتلني ابي اعرف لكن
بالاخير قررت اترك موضوعه لزمن وللايام لعل وعسى
اعرف سبب  هذا الجمود لا ابالغ ان قلت كانه ما كان يعرفني
كاني انسانه مجهوله!
الموضوع قديم وانا تعديت هالمرحلة
وماعاد افكر فيه ابدا لكن تذكرته للحظة
واكتشفت ان الموضوع فيه نوع من الغرابة
ممكن فيه ناس تمل او تأخذ موقف وردة فعلها
تكون جامدة غريبة مالها تفسير  !

لا احد يسوي مثلي اذا فيه اشخاص تغيرو عليكم
اسألو استفسرو حاولو تفهمون الموضوع انا
كسرت علاقات بسبب المرض هذا الي اعيشه
اعوذ بالله من نفسي
كنت هادمه لافضل واجمل العلاقات   !!
اشعر احيانا اني عاجزه عن حفظ علاقاتي..

>>

ممكن لي سنه تقريبا
ابي اطلب من موقع(متجر)
وإلى الآن ما طلبت
اخاف ينلعب علي
وانا اكره شعور الاستغلال
واعرف نفسي راح انقهر
وأعصب واندم وممكن ....؟
وانا مافيني حيل على هالمشاعر .
ولاول مره اكتشف اني انسانه متأنية
والشيء الي مخليني أتراجع
أن الردود مدح وشتم
واستنتجت أن بعضهم حظهم
حلو ومتوفقين في طلباتهم والبعض الآخر حظهم سيء .
وانا للاسف الشديد حظي ردي وقليل حياء للأسف !!
لكن للأمانة وعشان ما انكر الجميل .. حظي هالايام ؟
صاير لطيف واهداني .. جرعة سعادة تكفيني سنه قدام !

اخاف يمر علي وقت
ابوي يغصبني على شيء
مابيه !!
عاد هنا بصير بعين نفسي
ولا شيء
الغصيبة بتكون من باب
المصلحة بنظرة
وبتكون بنظري .. أكبر كسر لي بحياتي .

كان هاليوم بيجي عسى عمره يبطي !

النظر عندي بادي يسيء الله يستر
انا الحين ودي افهم ليش احس
ان عندي شغل واجد دائم ؟
معن احياناً يكون مافيه شغل الظاهر
متأقلمه على الشغل !
أسوء صفة فيني ومسببه أزمة
للأشخاص ... ماعندي مشكلة
اقول ثلاث سالفات بوقت واحد
وبطريقة سريعة وكأني اسولف مع نفسي
وإذا ما فهم علي اللشخص المقابل اعصب عليه .

..

كمية شوق (....) ماقدر اسيطر عليها
وفي الوقت نفسه أشعر ب ملل
فضيع من كل شي حتى من نفسي .

اختلاف مشاعري يسبب لي توتر !!

للحظة شعرت اني احتاج
لشخص يُصغي لي بصمت
ولكن ....؟؟
تذكرة ان الشكوى لغير الله
مذله .. وتراجعت الف خطوة !!

فيني عاده مدري صفه سيئة
الضحك المُفرط يجيني
ب الأوقات الرسمية
الي لامجال لضحك فيها
وبدون سبب أو اتذكر مواقف
تضحك واضحك .. لو لها
ألف سنه ما اتذكرها إلا بالوقت
الحازم هذا .
مليت هذا الشيء يقلل من
هيبتي والناس تشك بعقليتي
حتى لو صار موقف لطيف ومضحك
أطول وانا اضحك بالمختصر امصخها !!
المشكلة تكمن ب ضحكتي المُستفزه .
معن حالة الضحك هذا تعطيني طاقة إيجابية
لكن دائماً تضعني بمواقف مُحرجة جداً !!
وماتروق للأشخاص النفسيات .

ياعين لاتبكين وعيونه تنام ؟
عادي اذا ما خاب ظني ب ترضين !
لو الدموع تفيد .. فادت الأيتام .
ولو الكلام يفيد .. كان عادة فلسطين !
ولو النبات يطلعه .. ( دمعة هيام ) ؟
كان شفتو على وجهي ورود وبساتين !

جواهر ، وحشتيني!

Liu اهلاً وسهلاً نورتي
اعتبريني فاقده الذاكرة
والله ماتذكرتك !
انا هنا ماقصرت ختمت الأعضاء
ولذلك ما اثبتهم ابداً .. لكن
ذكريني وبإذن الله ماتخوني الذاكرة ؟
للمعلومية .. اقول هالكلام وانا مُحرجه جداً .

غباء مني أكيد مَ راح تعرفيني وانا معدله ف الأسم !
أعذريني مَ انتبهت
جوي ، جوري ، اذا تتذكريني؟
اذا م تذكرتي عوافي.

وهل يخفى القمر ؟
ياحي هالعين يامرحبا
عرفتك .. وشلون ما عرفك
وينك فجاءة اختفيتي
الحين اقدر اقول لك وحشتيني .

أختفيت فجأة ، انشغلت عن المونت ، بس من بعدها مَ رجعت ، يعني كأني تعودت بدونه.
بس بين كل فترة وفترة او حتى سنه ارجع كم يوم واسحب.
م ادري ايش السبب بس ممكن لأنو فيه كم ذكريات حلوه هنا، تخليك تحن غصب.
بس، تدرين ؟ الاعضاء هنا يتجددون ، ناس تروح وناس تجي
إلا انتِ دايما هنا ، مع انك موجوده ، بس مو زي جواهر قبل.
اقدر اقول تغيرتِ ؟ أو كبرتِ ؟ أو مريتِ بمواقف كثيره فَ حياتك غيرتك.
مَ اعرف ايش السبب ، بس اهم حاجه ، لسا انتِ جواهر اللي مَ تقول كلمة الا وهي صح.
اوكِ اعرف الكلام كثير بس اعذريني لأني من اول م كلمتك كَ -جوري- )؛

شيء جميل أني اشوف مراحل
تغيري ب صفحات المنتدى !!
صح الذكريات حلوه برغم من بعض الحماقات
وصغر السن .. يعني اقرأ بعض تعليقاتي
القديمة واقول .. ( معقولة كلامي كان كذا
معقولة قناعاتي وتفكيري كذا ) ؟؟
كنت أتوقع مهما أكبر ببقى مثل جواهر اول
لكن اختلفت كلياً .. سبحان الله طبعاً
بعض القناعات مازالت راسخة .
.. انا اتكلم عن نفسي وعن سبب هذا
التغير الي الكل سألني عنه ومليت وانا اكتبه
والمشكلة مهما عبرت ما احس اني وصلت
لكم نقطة التغير .. الي اقدر اقوله ؟؟
كبر السن والمواقف والحياة لهم النصيب
الأكبر من هذا التغير .
حتى انتِ تغيرتي لو بقيت مثل اول
ممكن اعرفك من طريقة اسلوبك
لو دخلتي بشخصية جوري من البداية راح اعرفك
حتى لو اسمك تغير .. ولو ضحكتي ضحكتك
الطويلة بعرفك لو رفعتي ضغطي وقلتي انتِ
احلى مافيك اسمك كان عرفتك تلقائياً
.. شفتي شلون ؟!!
ليه فيه اختلاف بين كلام جوري وجوي ؟ .
عادي كنتي تكتبين لي مقالات واستمتع فيها هههههه

تدرين أني لما كنت اكلمك قبل ، كنتِ نفس عمري حاليا.
): لما افكر كذا احسك اختي الكبيره
+ لا مَ في فرق بين جوري وجوي ، تخيلي لو كل اسم شخصية ، انفصام
بس أقصد نكي الحالي ليو ، نك جوي مَ استخدمته إلا هنا وبس.
بعدين اما كنت انرفزك ، حرام عليك كنا انا وانتِ ضد الفساد والمنكر )'
اوكِ في حاجه وحده تغيرت فيني ، اني مستحيل اكتب مقاله عشان اسب فيها شخص او انتقد فيها شخص ، شي غريب أنك حاليا تنقدين حاجه كنتِ مَ تترددين تسوينها قبل.
+ واحشتني صورة البيبي حقتك )؛

عظيمة يا اختي  
واتذكر اني كنت مبسوطه لأن
واخيراً لقيت شخص أصغر مني
كلهم أكبر مني .. وذليتك من
كثر ما اذكرك انك أصغر مني .
لكن دقيقة انا اتذكر الفرق كان سنه
صح ؟ أو أكثر !!
ههههههههه استغفرالله ضد الفساد
ولكن بالطريقة الخطأ .. وليت أحد
معطينا وجه .
للامانة .. كنت اقضي طاقتي هنا وبضمير.  
انتقده لأنه كان خاطئ !
حتى انا وحشني لكن خلاص انتهى وقته .

https://i.servimg.com/u/f11/19/77/60/19/a3c11710.jpg

لا ، كانت بيننا سنتين وكم شهر.
تتواصلين مع البقيه ولا خلاص ؟ )'

لا ما اتواصل .

بكل صراحة وبكل ألم ؟
اليوم الوطني عبارة عن .. أشباه رجال
وحُثاله من البنات يتراقصون على اغاني
راشد الماجد ورابح صقر وغيرهم .
هذا الي ربي قدركم عليه ؟
لهدرجة ارتبط حب الوطن واليوم
الوطني (بالرقص والأغاني) !!
تقليد أعمى .. والمضحك المبكي يشغلون
اغاني اجنبية ! (لحوج مجمعه) .
اجتمعو ذكور وبنات ناقصات عقل وهذي النتيجة !!
قال هيئة ترفيه قال .. ههه  
طبعاً هم فئة قليلة وجميعهم مبزره والله
لايكثر من أمثالهم .. ماعطو مجال لناس
المحترمة الي بتحتفل بالوطن بطريقة
راقية بعيدة عن الهمجيه .


الله يحفظ الجنود وينصرهم عبرو عن حبهم
للوطن .. بوفاء وعطاء وقفة صارمه فدو الوطن
بأرواحهم يارب ارزقهم من حيث لايحتسبون
يارب أنزل على قلوبهم الطمئنينة والراحة يارب
خفف عنهم الالمهم وخوفهم يارب لاتخذلهم
نصراً قريب يالله .

وجع .. ألم !!
أشخاص على وشك السقوط
من عيني .

ماتت أغصان الطموح
وزادت أوجاع الكسير .